شماره ١٤: دوتما اول گل دامنين محشر گونينده جان ايچون
دوتما اول گل دامنين محشر گونينده جان ايچون
قيلما يوزسيزليق نگارايلن بير آووج قان ايچون
آچماگيل آغزين گورنده خال مشکين دانه سي
اگمه باش پرگار تک هر نقطه يه دوران ايچون
يولداش اولدورکيم قارا گونلرده يولدان چيخماسون
کسمه يولداشدان خضر تک چشمه حيوان ايچون
ينگي آي باشين اگر خورشيده تا اولسون تمام
ساده دل بيلمز که بسلر ئوزيني نقصان ايچون
مشرب ايچون قويماگيل الدن عنان اختيار
خام ليغدان آتيني ئولدورمه گيل ميدان ايچون
حسن جولانيندان ال کسمکدور آروادلار ايشي
کس ئوزيندن مردلر تک يوسف کنعان ايچون
منت ايلن ديريليک صائب ئولومدن دور بتر
جان ويرورلر اهل غيرت درد بي درمان ايچون