شماره ١٣: عمر گيچدي، سفر اسبابيني آماده قيلين
عمر گيچدي، سفر اسبابيني آماده قيلين
هرنه سيزدن کسه تيغ اجل اوندان کسيلين
قلزم عشقدن اي آيري دوشن شبنملر
دوشمه ميشکن يولا سيلاب بهاري يغيلين
تا سيزي دور زمان ايلميوپدور پامال
گون ساري شبنم گل تک بوچمندن چکيلين
اولمايان چرخ آرا پرواز رواندن غافل
بوکول ايلن قرالان گوزگولري صاف قيلين
گوگ فضاسي نه مقام پرو بال آچماقدور
دانه نارکيمي بير بيرينزه قيسيلين
گر اومارسيز که جوانبخت اولاسيز آخر عمر
قوجالار قدريني زنهار ايگيدليکده بيلين
آرتورور گرد معاصيني قورو استغفار
بو زمين گير توزيني اشک ندامتله سيلين
ياش قيلور خم قوجالار قامتيني طاعت سيز
اگمه ميشکن سيزي بو چرخ مقوس اگيلين
دوتا گر غنچه کيمي چوره نزي نشتر خار
ويرميين گل کيمي الدن قدح مي ايچيلين
کيم که ساغر کيمي آغزين آچا سيز ميناتک
گوله گوله کرم ايلن اوني معمور قيلين
باده نين جوشي اونون سوز کلاميندن دور
صائبين قدريني اي اهل خرابات، بيلين؟