شماره ٧: گل کيمي هر کيم که گلزار ايچره نقد جاني وار
گل کيمي هر کيم که گلزار ايچره نقد جاني وار
سعي ايلر توکسون سنين يولوندا تا امکاني وار
تا اياغين توپراغينا توکمسون دوتماز، قرار
هر کيمين مجلسده ميناتک بير آوج قاني وار
نه عجب عاشقلري گر باشدان آچسون نازايلن
کاکل مشکين کيمي هر کيم که سرگرداني وار
ايچماميش جان بخشلر نظاره دن عاشقلره
ترلو رخسارين عجايب چشمه حيواني وار
ايليوپدور نقطه خالين مني پرگار سيز
يوخسا دريا اوزره هر بير قطره نين دوراني وار
گز ديريرلر ال به ال داغين کونوللر پاره سي
يرده قالماز جام تک هر کيم که ايستي قاني وار
پوچ دي هر سوز که دييرلر معرفتدن اهل قال
بحردن چيخماز صدف تا گوهر غلطاني وار
چوخ دگول حيرت يري گروارسا شيرين سوزلري
طوطي نين صائب نظرده گوزگي تک ميداني وار