شماره ٥: مني محروم ايدن رخساردن زلف پريشاندور
مني محروم ايدن رخساردن زلف پريشاندور
بو درياي لطافت موج عنبر ايچره پنهاندور
اگر خورشيد تابانيله سن سيز همشراب اولسام
لب لعل مي آلودي گوزومده قانلو پيکاندور
دد و دامي مسخر ايليوپدور جذبه عشقي
دو گون مجنون شيدا باشينه چتر سليماندور
قاچان عاشقلرين فکرينه دوشدي اول عقيقي لب
که اونين بير قارا کونلو لريندن آب حيواندور
مني مکر رقيب آواره قيلدي يار کوييندن
چيخاردان آدمي فردوسدن تزوير شيطاندور
مسلمانم دييرمي تک ايچر عاشقلرين قانين
منم کافر، اگر اول دشمن ايمان مسلماندور
محبت اهلي نين جام نشاطي دوردن دوشمز
نيچون چکسون خمار اول کيم هميشه ايچديگي قاندور؟
من خاکي نه تنها اولموشام مجنون کيمي رسوا
که اولدوزدان فلک سنگ ملامت ايچره پنهاندور
فلک لر قان ايچر گوردوکجه تجريد اهليني صائب
که يوخ سيزلر حراميلر گوزينه تيغ عرياندور